სასკოლო ოლიმპიადა

სასკოლო ოლიმპიადა

29 მარტს, შავი ზღვის საერთაშორისო უნივერსიტეტში „იბსუს სასკოლო ოლიმპიადა 2019-ის“ დაჯილდოება გაიმართა. საზეიმო ცერემონიაზე უამრავმა აბიტურიენტმა, მშობელმა და ოლიმპიადის მონაწილემ მოიყარა თავი. მაქსიმალური ქულების მქონე აბიტურიენტები iPad-ით, უახლესი მოდელის ტელეფონით, ყურსასმენითა და რაც ყველაზე მნიშვნელოვანია IBSU-ს 100 % -იანი, 75%-იანი, 50 %-იანი, 40 %-იანი, 30%-ინი და 25 %-იანი სასწავლო გრანტით დაჯილდოვდნენ. შიდა გრანტი ჯამში 1200-მდე მონაწილემ მიიღო.

,,არასოდეს არ მჯეროდა საკუთარი თავის და იბსუმ მომცა შესაძლებლობა, რომ ჩემი შესაძლებლობების დამეჯერებინა, ძალიან დიდი მადლობა ამისთვის’’ – ლიკა დავაძე.
,,უმაღლეს ქულას თუ ავიღებდი არ მეგონა, თუმცა, ვიცოდი, რომ კარგად გავართვი თავი. როცა აღმოვაჩინე, რომ პირველ ადგილზე გავედი, სასიხარულო იყო ჩემთვის ძალიან’’ – აკაკი ჩუხუა.

,,ჩემი შვილის შედეგებითა და უნივერსიტეტით ნამდვილად ძალიან კმაყოფილი ვარ. ძალიან დიდი მადლობა შავი ზღვის უნივერსიტეტს, ჩვენთვის უდიდესი სურპრიზი იყო’’. – ერთ-ერთი გამარჯვებული აბიტურიენტის მშობელი.

,,ძალიან გვიხარია, რომ ამდენ მოტივირებულ, ნიჭიერ ადამიანს მიეცა შესაძლებლობა ჩვენთან სწავლისა და შიდა გრანტის მოპოვების. წარმატებებს ვუსურვებ თითოეულ მათგანს ეროვნულ გამოცდებზე და სექტემბერში ველით ახალი შემართებით’’. – სალომე სუხიშვილი საზოგადოებასთან ურთიერთობის მენეჯერი.

პ.ს. სერტიფიკატების წაღება შეგიძლიათ იბსუდან, სამუშაო დღეებში 9-დან 17:00 საათამდე. არ წაღების შემთხვევაშიც, შიდა გრანტი ჩვეულებრივად იმოქმედებს.

Log In

Create an account